Hver borgar?

Bíddu, lánaði Seðlabankinn ekki Kaupþingi þessa 120 milljarða rétt fyrir fall Kaupþings? Getur það hugsast að þessi peningar séu núna glataðir, enda með veð í t.d. verðlausum Kaupþings-bréfum? Getur það hugsast að Seðlabankinn láni peningana án skilyrða og getur hugsast að Kaupþing hafi vitað í hvað stefndi og komið þessu fyrir erlendis?

Milljarðalán án áhættu

Athugasemdir

[corvus corax, 20.1.2009 kl. 07:31]

Þessi djöfuls glæpalýður lét greipar sópa um sjóði bankans vitandi að hann væri á hraðri leið til helvítis. Að sjálfsögðu var peningunum komið undan á leynilega einkareikninga í peningaþvottalöndum og svo eigum við almenningur að borga. Það er grundvallarkrafa að hald verði lagt á allar eignir þessara glæpamanna og þeim stungið inn þangað til peningarnir finnast og koma til greiðslu á glæpaskuldum þessara svíðinga. Svo var Ólafur gráti næst í fjölmiðlum í gær eða fyrradag þar sem hann sagðist vera látinn líta út eins og fjárglæframaður út af þvotti á peningum fyrir einn leppinn í Qatar og taldi vegið að mannorði sínu óverðskuldað. Fyrir utan að ná þýfinu af þessum glæpalýð legg ég til að flottræfils-sumarhallirnar sem þessir níðingar hafa byggt sér og sett þannig svarta ógeðslega bletti út um allar sveitir, verði sprengdar í loft upp og síðan urðaðar svo ummerkin um glæpaferil óþokkanna verði ekki út um alla íslenska náttúru.

[Gullvagninn (IP-tala skráð) 20.1.2009 kl. 08:28]

Hver borgar?  Í fljótu bragði detta mér nokkur atriði í hug:

40% hækkun á flutnings og dreifikostnaði rafmangs (ástæðulaust, innlend þjónusta í eigu okkar sjálfra) http://jonbjarnason.blog.is/blog/jonbjarnason/entry/763327/

50% hækkun á frístundaskóla (gæsla fyrir yngri grunnskólabörn) í Reykjanesbæ,

Innritunargjöld á sjúkrahús

Hækkað olíugjald

Það mun bætast á þennan lista, þetta verður innheimt með öllum hætti, sektir, skattar, gjöld, þóknanir.  Gríman mun falla, við komumst að því að við erum bara þegnar, nánast leiguþý, í nýju lénskerfi þar sem fáeinir ofurríkir olígarkar gína yfir þrælum sínum.

og meðal annars, þetta ár er góða árið, það er á næsta ári þar sem skoltarnir læsast um okkur og við verðum að fara að greiða af þessum ógerlega háu lánum, mörgum sinnum hærri per haus, á núvirði, en þær sektir sem þjóðverjum fannst ómögulegar eftir fyrri heimstyrjöld.