Dekkjaverkstæði!!!

Heyrði í útvarpinu að Árni Sigfús. sagði að einhverjir hefðu boðið í skemmurnar sem kvikmyndaverið mun verða reist í, held þær séu um 10 talsins, að einhver vildi hafa dekkjaverkstæði þar. Þarna sést nákvæmlega af hverju það þarf Þróunarfélg til að taka ákvarðanir um hvaða tilboðum skuli tekið. Það skiptir svo miklu máli að "réttum" tilboðum sé tekið en ekki endilega "hæstu" tilboðum. Ég hef persónulega orðið vitni af því hvað uppbyggingin sem nú er hafin hefur skilað mikilli bjartsýni í samfélagið í kringum Vallarheiði. Á Vallarheiðina hefur valist orkumikið og framsækið fólk, sem er knúið áfram af þörfinni að skapa, skapa jákvætt umhverfi fyrir uppbyggingu. Árni bæjarstjóri hefur verið mjög duglegur við að koma hugmyndum í verk þarna og sést oft á vappi uppfrá og stappa stálinu í starfsmenn þarna. Það er meir en ég get sagt um þingmanninn frá svæðinu, Grétar. Grétari er samt mikið í mun að gera uppbygginguna grunsamlega. Magnað hvað sumir heimamenn geta ekki unað því þegar vel gengur þar, heldur þurfa að setja sig á háan hest á Alþingi til að úthúða mönnum sem ekki geta varið sig á þeim vetvangi. Mennirnir sem hafa á Alþingi verið að saka Árna um persónulegra hagsmunatengsla, tala um að hann eigi persónulega í hinum og þessum félögum, þeir hafa sett sjálfan sig verulega niður og ættu að skammast sín. Mér þætti vænna um að þessir menn legðust á eitt við að skapa tækifæri á Vallarheiðinni, það er margt fólk þessa daganna að gera það, þar á meðal Forsetinn okkar.

Vill birta öll tilboð

Athugasemdir

[Nafnleynd. (IP-tala skráð) 9.12.2007 kl. 12:15]

Allt síðan Kadeco tók til valda á gamla VL svæðinu þá hvöttu þeir almening að senda inn hugmyndir hvað skyldi gera fyrir svæðið. Allar þessar hugmyndir voru síðan settar í pott og allir þessir félagar vinsa út slæmu hugmyndirnar, og ætla sér að framkvæma góðu hugmyndirnar í gegnum Base ehf. Allir þeir sem ætluðu sér í einhvern atvinurekstur á svæðinu þurftu að senda inn skilgreiningu á hvað þeir ætluðu sé að gera á svæðinu, ekkert að þessu ferli svo sem. En megninu til þá fengu þeir aldrei svör þessir aðilar. Þessir kallar eru ekki einu sinni það frjóir að þeir geta ekki myndað sér sínar hugmyndir fyrir svæðið. Þeir þurftu hjálp almenings til að gera það og ætla sér svo að græða vel á því. Finnst þér þetta ferli vera eðlilegt að menn búa sér til fyrirtæki sem kaupir eignir á lítinn pening af ríkinu og eigendur í því fyrirtæki eru flestir tengdir beggja meginn við borðið. Og ætla sér svo að selja þessar eignir áfram til einhvers fyrirtækis og mokgræða á því. Afhverju getur ekki Kadeco bara selt þetta beint til þessa aðila sem Base ehf á eftir að selja til. Þannig fær Kadeco hæsta verðið og þarafleiðandi ríkið hæsta verðið fyrir eignirnar. Dekkjaverkstæði er kannski ekki farsælasta lausnin fyrir skemmurnar þar er ég sammála. En menn eiga ekki að vinna svona með almannaeignir. Þetta er þjófnaður og ekkert annað!Þetta er grafalvarlegt mál. Menn eru að ræna miljörðum frá Íslenska ríkinu. En allir eru svo uppteknir af sölu HS eða einhverju REI máli. Þetta mál er eitt stærsta þjófnaðar og spillingarmál í söguni á Íslandi og þarf að uppræta!

[Manni (IP-tala skráð) 9.12.2007 kl. 12:21]

Hvaða orkumikla og framsækna fólk hefur valist þarna til starfa? Hvaða kanónur er verið að tala um? Er það Runólfur sem var látinn taka pokann sinn á bifröst út af einhverju sukki? Er það Hjálmar sem datt út af þingi, og komst aldrei neitt áfram hjá Framsókn eftir 12 ára þingsetu og í meirihluta á þingi. Árni Magnússon var nýliði og í sætinu fyrir aftan Hjálmar í suðurkjördæmi þegar hann var gerður að félagsmálaráðherra, Hjálmari var ýtt til hliðar.

Held að Grétar hafi fullan rétt á að gagnrýna hvernig var farið að sölunni þarna uppfrá, meðan hann er málefnalegur. Árni Sigfússon vill fara gengum alla kaupsamninga. sjálfsagt að gera það, en ég held að Atli Gíslason sé ekki að tala um hverjum var selt, heldur hvort þetta hafi verið boðið út á löglegan hátt. annars held ég að það væri bara fínt að sjá hverjir séu á bakvið kaupin á þessu dóti þarna uppfrá. Það er líklega ekkert að fela í þeim efnum.

Þetta með að menn hafi úthúðað einhverjum á alþingi er náttúrulega bara brandari. Þessi Bjarni Harðarson kom í pontu innan við tveimur tímum eftir að hann hafði talað, og beðist afsökunar. Árni er búinn að tönnlast á þessu máli í marga daga. Heyrði hann ekki eða sá þegar Bjarni kom upp og baðst afsökunar? Það er marg búið að koma fram að hann hafi mismælt sig.

Maður veit ekki alveg hvað sé þarna í gangi, en held að flestir sem eru ekki í innsta kjarna sjálfstæðisflokksins á suðurnesjum hafi miklar efasemdir um að allt sé með felldu. Það eru gríðarlega margir sjálfstæðismenn sem eru hissa á hvernig að þessu máli hefur verið staðið. Held að það sé einfaldast að leggja spilin á borðið. Sína svart á hvítu hvort einhverjir bæjarfulltrúar eða þeirra nánustu hafi keypt þarna fasteignir, og á hvaða verði ef þeir hafa gert slíkt.

Finnst mönnum það 100% eðlilegt að menn eins og Steinþór Jónsson sem er formaður í byggingarnefnd í Reykjanesbæ sé jafnframt einn af stóru fasteignabröskurunum í Reykjanesbæ og á heiðinni? Er það ekkert hæpið að maður sem hefur inside upplýsingar um það sem sé á döfinni í skipulagsmálum, og getur jafnframt haft áhrif á slíkt skuli líka geta' keypt/selt fasteignir eins og honum sýnist? Þetta er kannski löglegt. Ég veit það ekki. Manni finnst þetta samt vera skrýtið. Sjálfstæðisflokkurinn er stór á suðurnesjum og ætti ekki að vera mikið mál að setja inn menn sem hafa ekki svona mikilla hagsmuna að gæta.

[Kebblari, 9.12.2007 kl. 22:48]

Takk fyrir athugasemdirnar, þær eru málefnanlegar og góðrar gjaldar verðar. Rétt er að Steini er að manni finnst á dáldið gráu svæði, það er eins og honum leyfist það vegna þess að hann er mjög duglegur og hefur komið mörgum málum til leiðar, tvöfolldun Reykjanesbrautarinnar, ljósanótt sem er stórkostleg og fleira. Ég ber virðingu fyrir honum hvað hann er duglegur og framsýnn, en skil þessa athugasemd frá Manna!´

Hvaða duglegu menn sem hafa valist upp á Vallarheiði þá eru það margir til viðbótar þeim sem nefndir hafa verið.

Þróunarfélagið átti að koma eignum í borgaraleg not og með því að greiða fyrir hreinsun sem kostar um það bil 5 milljarða. Ef þeir hefðu ekki auglýst eftir hugmyndum, þá er ég hræddur um að umræðan um hugsanlega spillungu væri á mun alvarlegri stigum eftir sölu eignanna.

[Seppi (IP-tala skráð) 9.12.2007 kl. 23:56]

Ef, Hefði og Hefði Getað Orðið. Það getur enginn sagt hvernig hlutirnir væru ef þeir hefðu verið gerðir á annan hátt. Tíminn og rannsókn á hvernig var að þessu staðið á eftir að skera úr um hversu vel/illa staðið var að þessu.

Ef mig misminnir ekki taldi Pentagon eignir hersins vera um 200 milljarða virði þegar þeir fóru. Það er búið að koma þessu í verð meira eða minna fyrir innan við 20 milljarða og þá er kostnaðurinn við þetta eftir.

Keilir er ekkert nema framhaldsskoli enn sem komið er. Er ekki rétt að bíða og sjá hvað verður úr þessu eftir 3-5 ár. Þá er hægt að segja hvort þetta skólaverkefni hafi tekist og þarna verði háskóli. Er ekki best að bíða og sjá árangurinn áður en menn fara að deila út fálkaorðum? Það ríkir gríðarleg samkeppni um nemendur á háskólamarkaðinum og ekki útséð um hvort allir þessir háskolar sem hafa sprottið upp síðustu árin nái að manna skólana nemendafjölda sem þarf til að halda batteríinu úti.

Ég skil ekki hvernig það getur kostað fimm milljarða að hreinsa þarna upp svæði sem var í notkun þangað til ríkið tók við lyklunum af herstöðinni. Hvaða þrifnaðaræði greip um sig þarna? Var Heiðar Snyrtir fenginn í djobbið? Allt í Drasli? Maður spyr sig. Það hafa farið nokkrir Undra-brúsarnir í að skúra skrúbba bona þarna.

Það þarf ekkert að ræða þetta frekar varðandi söluferlið. Vinnulagið hjá þessum aðilum hvernig þessu var komið í verð er undarlegt og er ekki meira sagt. Siðan er það hinn handleggurinn hverjir komust að kjötkötlunum á þessu "carnivali" sem fór í gang þegar Kadeco tók við. Voru þarna einhverjir sem fór fremst í röðina? Best fyrir þessa aðila sem liggja undir grun að farið sé ofan í málið ef þeir telja sig vera með sitt á hreinu.

Finnst líka að það eigi eftir að útskýra hvernig var staðið að málum við vinnuna sem fór fram þarna uppfrá varðandi upppbyggingu/hreinsun. Ef það er rétt sem þú segir að það sé búið að punga út 5 milljörðum (sem ég trúi bara ekki að sé rétt) fyrir einhverja hreinsunaraðgerðir, þá er rétt að athuga það betur. Fóru fram útboð í sambandi við það? Voru kannski þessi undarlegu markmið hafð þar að leiðarljósi að besta verðið væri ekki endilega best, samanber ummæli hjá aðilum sem eru að verja söluna á eignum að stundum hafi hæsta verðið einfaldlega ekki verið besta verðið.

Ríkisskoðun er að fara ofan í saumana á sjálfri sér núna á næstu dögum. Engar líkur á að hún komist að einhverju misjöfnu. Hún væri þá að fella dóm um sjálfa sig, það vill enginn.

Þetta útspil hjá Árna Sigfússyni að sína öll tilboð í eignirnar segir heldur ekki neitt. Menn voru ekkert að bjóða í þetta þar sem útboðið var bæði loðið og óskýrt. Sendi Kadeco þeim sem sendu inn formleg gagntilboð eins og tíðkast hjá fasteignasölum? Var staðið að þessum útboðum eins og venjan er þegar ríkið selur eignir, eða var þetta eitthvað frábrugðið? Þarf ekki að skoða það betur?

Sýnist ekkert veita af því að skoða þetta ofan í kjölinn. Því fyrr því betra.